„მანჩესტერ სიტიმ“ ჰოლანდის ტრანსფერი გამოაცხადა

ერლინგ ჰაალანდის ტრანსფერის შესახებ ინფორმაცია „მანჩესტერ სიტის“ ოფიციალურ ვებგვერდზე გამოჩნდა.

„სიტიმ“ ნორვეგიელის ტრანსფერთან დაკავშირებით „ბორუსია დორტმუნდთან“ შეთანხმებას მიაღწია. თავდამსხმელი ინგლისურ კლუბს ამ ივლისში შეუერთდება. ის „სიტიში“ დებიუტს მომავალ სეზონში შეასრულებს. ჰოლანდი „სიტისთან“ ხუთწლიან კონტრაქტს გააფორმებს. ინგლისში ნორვეგიელი კვირაში დაახლოებით 0,375 მილიონ ფუნტს გამოიმუშავებს.

ადრე გავრცელდა ინფორმაცია, რომ ჰაალანდმა ბრიუსელში „სიტისტების“ სამედიცინო შემოწმება ჩააბარა.

ერლინგი დორტმუნდს 2020 წელს შეუერთდა და ოთხწლიანი კონტრაქტი გააფორმა. 21 წლის თავდამსხმელმა ამ სეზონში ბორუსიას რიგებში 29 თამაში ჩაატარა (28 გოლი, 8 საგოლე გადაცემა).

Transfermarkt.de ჰალანდის 150 მილიონ ევროდ აფასებს.