ცნობილი გახდა, თუ როდის გააფორმებს „მილანი“ ორიჯის კონტრაქტს.

„ლივერპულის“ თავდამსხმელი დივოკ ორიჯი, სავარაუდოდ, „მილანში“ გადავა.

Tuttosport-ის ცნობით, ფეხბურთელი როსონერისთან კონტრაქტს ჩემპიონთა ლიგის ფინალის შემდეგ გააფორმებს, რომელშიც „წითლები“ ​​„რეალ მადრიდს“ დაუპირისპირდებიან.

ორიჯი მომდევნო ოთხი წლის განმავლობაში „მილანის“ ფეხბურთელი გახდება და ასევე, ხელფასის სახით, ბონუსების ჩათვლით, 4 მილიონ ევროს მიიღებს.

აღსანიშნავია, რომ ზამთარში ბელგიელს პრემიერ ლიგის რამდენიმე წარმომადგენელმა, მათ შორის „ნიუკასლმა“, მიმართა, თუმცა სტეფანო პიოლის დაპირების გამო თავდამსხმელმა ყველა შეთავაზებაზე უარი თქვა.

ორიჯიმ მიმდინარე სეზონში „ლივერპულის“ მაისურით 17 მატჩი ჩაატარა, ექვსი გოლი გაიტანა და ოთხი საგოლე გადაცემა გააკეთა.