„აიაქსმა“ მთავარი მწვრთნელის პოსტზე ტენ ჰაგის შემცვლელის ვინაობა გამოაცხადა.

„აიაქსის“ პრესსამსახურმა გუნდის მენეჯერის თანამდებობაზე ერიკ ტენ ჰაგის შემცვლელი გამოაცხადა. მას ალფრედ შრიოდერი შეცვლის, რომელიც ამჟამად ბელგიურ „კლუბ ბრიუგეს“ წვრთნის.

49 წლის სპეციალისტი სეზონის ბოლოს აიაქსის მწვრთნელი გახდება. შრიოდერი ადრე ერედივიზიონში, „ტვენტეს“ მწვრთნელად მუშაობდა. ის ასევე ამსტერდამული გუნდის სამწვრთნელო შტაბში ტენ ჰაგის ასისტენტად მუშაობდა.

შრიოდერს ბუნდესლიგაში მუშაობის გამოცდილება აქვს, სადაც 19/20 წლების სეზონში „ჰოფენჰაიმს“ წვრთნიდა.

სპეციალისტმა „კლუბ ბრიუგე“ 2022 წლის იანვარში ჩაიბარა. მისი ხელმძღვანელობით ბელგიურმა გუნდმა 19 თამაშიდან 14 მოიგო. შრიოდერის ხელმძღვანელობით „კლუბ ბრიუგე“ საშუალოდ თამაშში 2,37 ქულას აგროვებდა.