ჩაბი ალონსომ შესაძლოა კლუბ ბრიუგე ჩაიბაროს

HLN-ის ცნობით, შესაძლოა, ხაბი ალონსო „კლუბ ბრიუგეს“ ახალ მწვრთნელად დაინიშნოს.

ადრე გავრცელდა ინფორმაცია, რომ ბელგიის ნაკრების ამჟამინდელი მთავარი მწვრთნელი ალფრედ შრიოდერი „აიაქსში“ გადავიდოდა, სადაც ის ერიკ ტენ ჰაგს ჩაანაცვლებდა, რომელმაც „მანჩესტერ იუნაიტედში“ გადასვლა გადაწყვიტა.

საფეხბურთო კარიერის განმავლობაში ალონსო თამაშობდა გერმანულ კლუბ „ბაიერნ მიუნხენში“, ესპანურ კლუბ „რეალ მადრიდსა“ და ინგლისურ კლუბ „ლივერპულში“. ჩაბიმ სათამაშო კარიერა ხუთი წლის წინ დაასრულა. 2018 წელს ის „რეალ მადრიდის“ 14-წლამდელთა გუნდის მწვრთნელი გახდა. 2019 წლის ივლისიდან 39 წლის სპეციალისტი „რეალ სოსიედად ბ“-ს წვრთნის.

სან-სებასტიანელმა კლუბმა ალონსოს კონტრაქტის გახანგრძლივების შესახებ ადრე განაცხადა. მენეჯერის მოქმედი კონტრაქტი „რეალ სოსიედადის“ სარეზერვო გუნდთან სეზონის ბოლოს იწურება.