„ტოტენჰემ ჰოტსპური“ „რენის“ შეტევის ლიდერს უმიზნებს

Footmercato იტყობინება, რომ „ტოტენჰემი“ „რენის“ მარტინ ტერიერით არის დაინტერესებული. ლონდონურმა კლუბმა უკვე გააკეთა შეთავაზება ვინგერისთვის.

ტერიერი, რომელიც „ლილის“ აღზრდილია, „რენს“ 2020 წელს შეუერთდა. 25 წლის ფეხბურთელს აქამდე წარმატებული სეზონი ჰქონდა, ლიგა 1-ის 36 მატჩში 21 გოლი გაიტანა და ოთხი საგოლე გადაცემა გააკეთა. ლიგის საუკეთესო ბომბარდირების რბოლაში ტერიერს მხოლოდ მბაპე და ბენ იედერი უსწრებენ.

ვინგერის ბრწყინვალე თამაში შეუმჩნეველი არ დარჩენილა. ტიერი ანრიმ ადრე მოუწოდა დიდიე დეშანს, მოეწვია ფეხბურთელი ეროვნულ ნაკრებში.

მარტინს კლუბთან კონტრაქტი 2025 წლის ივნისამდე აქვს გაფორმებული. თავად ფეხბურთელმა განაცხადა, რომ რენში ბედნიერია.

Transfermarkt.de ტერჯეს 16 მილიონ ევროდ აფასებს.