„სპორტინგმა“ პორო „მანჩესტერ სიტიდან“ შეიძინა

„სპორტინგ ლიგამ“ თავის ოფიციალურ ვებსაიტზე „მანჩესტერ სიტის“ მცველის, პედრო პოროს, ტრანსფერის შესახებ განაცხადა.

22 წლის ესპანელის ახალი კონტრაქტი 2025 წლის ზაფხულამდეა ძალაში. კონტრაქტში ასევე შედის 45 მილიონი ევროს ოდენობის გამოსყიდვის პუნქტი.

მედიაში გავრცელებული ინფორმაციით, პორტუგალიურმა კლუბმა „სიტიზინელებს“ 8,5 მილიონი ევრო გადაუხადა. ინგლისურ კლუბს 20 მილიონი ევროს ოდენობის შესყიდვის პირველი პრიორიტეტი აქვს.

პორომ ბოლო ორი სეზონი „სპორტინგში“ გაატარა. ამ სეზონში მან 35 მატჩი ჩაატარა, ხუთი გოლი გაიტანა და შვიდი საგოლე გადაცემა გააკეთა.

სეზონის ბოლოს ლისაბონელმა კლუბმა 85 ქულა დააგროვა და პორტუგალიის ჩემპიონატის ცხრილში მეორე ადგილი დაიკავა, ჩემპიონ პორტოს ექვსი ქულით ჩამორჩა.