ზიდანი შესაძლოა მსოფლიოში ყველაზე მაღალანაზღაურებადი მწვრთნელი გახდეს.

Mundo Deportivo-მ ზინედინ ზიდანთან პსჟ-ს მოლაპარაკებების დეტალები გამოაქვეყნა.

ფრანგული მედია ადრე იტყობინებოდა, რომ მადრიდის „რეალის“ ყოფილი მწვრთნელის პარიზელთა მწვრთნელად დანიშვნის ალბათობა მინიმალური იყო. თუმცა, ახლა გაირკვა, რომ ორივე მხარე მოლაპარაკებებს აწარმოებს.

პარიზელები სპეციალისტს უპრეცედენტო ფინანსურ პირობებს ჰპირდებიან. თუ ზიდანი „პარი სენ-ჟერმენის“ ხელმძღვანელობას დათანხმდება, ის წელიწადში დაახლოებით 25 მილიონ ევროს გამოიმუშავებს, რაც მას მსოფლიოში ყველაზე მაღალანაზღაურებად მწვრთნელად აქცევს. „რეალ მადრიდში“ ფრანგის ხელფასი წელიწადში 13 მილიონი ევრო იყო.

ამჟამად ყველაზე მაღალანაზღაურებადი მწვრთნელების რეიტინგს დიეგო სიმეონე ლიდერობს, რომელიც „ატლეტიკო მადრიდში“ სეზონში 24 მილიონ ევროს გამოიმუშავებს. შემდეგ მოდის „მანჩესტერ სიტის“ ხოსეპ გვარდიოლა, წლიური ხელფასით 23 მილიონი ევრო.