ლოკომოტივი და გილერმე მასთან კონტრაქტის გახანგრძლივებაზე შეთანხმდნენ.

მარინატო გილერმე ლოკომოტივში რჩება. რკინიგზელებმა მეკარესთან ახალი კონტრაქტი გააფორმეს. ამის შესახებ ინფორმაცია მოსკოვური გუნდის ვებსაიტზე გამოქვეყნდა.

„კონტრაქტის გახანგრძლივების მოლაპარაკებები ძალიან ხანმოკლე იყო. მადლობას ვუხდი გილერმეს მისი თავდადებისა და კონსტრუქციული მიდგომისთვის. ის ლიდერია, მნიშვნელოვანი მოთამაშე და ახალგაზრდებისთვის მისაბაძი მაგალითი. მოხარული ვარ, რომ მასთან მუშაობას ვაგრძელებ“, - განაცხადა „წითელ-მწვანეების“ სპორტულმა დირექტორმა, თომას ზორნმა.

გილერმე „ლოკომოტივში“ 2009 წლის ზაფხულიდან თამაშობს. 36 წლის ფეხბურთელის ახალი კონტრაქტი 2024 წლის ზაფხულამდეა გათვლილი. 21/22 წლების სეზონში მარინატომ დედაქალაქური კლუბის მაისურით 24 თამაში ჩაატარა (4-ში კარის მშრალად შენახვა მოახერხა).