რეშფორდს „მანჩესტერ იუნაიტედში“ დარჩენა სურს

მარკუს რეშფორდი, რომელიც უკვე რამდენიმე თვეა სხვა კლუბების, როგორც ინგლისური, ასევე უცხოური კლუბების ინტერესს იწვევს, „წითელი ეშმაკების“ ბანაკის დატოვებას არ ჩქარობს.

„ტელეგრაფის“ ცნობით, ინგლისელი თავდამსხმელი „ოლდ ტრაფორდზე“ დარჩენას აპირებს, რათა ერიკ ტენ ჰაგის ხელმძღვანელობით თავი დაამტკიცოს.

რეშფორდი „მანჩესტერ იუნაიტედში“ შვიდი წლის ასაკიდან თამაშობს. მან „წითელი ეშმაკების“ უფროს გუნდში დებიუტი 2016 წლის თებერვალში შეასრულა. მას შემდეგ მან 303 მატჩი ჩაატარა, 93 გოლი გაიტანა და 57 საგოლე გადაცემა გააკეთა.

2016 წლის მაისიდან თავდამსხმელი ინგლისის ეროვნულ ნაკრებში გამოიძახეს.

მარკუსის კონტრაქტი „იუნაიტედთან“ 2023 წლის ზაფხულამდეა ძალაში. Transfermarkt ინგლისელს 70 000 000 ევროდ აფასებს.