პსჟ-სა და რეალ მადრიდს ლეაოს დამატება სურთ, რომლის გამოსასყიდი თანხაც 150 მილიონი ევროა.

რაფაელ ლეაოს პროგრესი მილანში, სადაც მან სერია A-ს ტიტული მოიგო, შეუმჩნეველი არ დარჩენილა. ვინგერით ინტერესდებიან პსჟ-ი და რეალ მადრიდი. იტალიურმა გუნდმა უკვე გაავრცელა ინფორმაცია შესაძლო წასვლის შესახებ.

„მისი კონტრაქტი 150 მილიონი ევროს ოდენობის გამოსყიდვის პუნქტს მოიცავს“, - ციტირებს La Gazetta dello Sport-ი მილანის ტექნიკურ დირექტორ პაოლო მალდინის სიტყვებს.

მანამდე, ოფიციალურმა პირმა ხაზგასმით აღნიშნა, რომ ლეაო კლუბისთვის „ხელშეუხებელი ფეხბურთელია“.

პორტუგალიელი „მილანში“ 2019 წლიდან თამაშობს. 2021/2022 წლების სეზონში 22 წლის ვინგერმა „როსონერიში“ 42 მატჩში 14 გოლი გაიტანა და 12 საგოლე გადაცემა გააკეთა. მისი კონტრაქტი 2024 წლის ივნისამდეა გათვლილი.

Transfermarkt.de ლეაოს 50 მილიონ ევროდ აფასებს.