„ტოტენჰემი“ მზადაა, ლო სელსო 20 მილიონ ევროდ გაყიდოს.

„ვილიარეალიდან“ იჯარით გადასულმა ჯოვანი ლო სელსომ შესაძლოა ესპანურ გუნდში თამაში სამუდამოდ გააგრძელოს.

„ყვითელი წყალქვეშა ნავის“ ხელმძღვანელობა იმედოვნებს, რომ ნახევარმცველთან კონტრაქტს გამოსყიდავს, რომელიც „ტოტენჰემს“ ეკუთვნის. „ვილიარეალის“ მენეჯერ უნაი ემერის ასევე სურს ლო სელსოს გუნდში შენარჩუნება.

პოტენციური გარიგების დეტალები ფაბრიციო რომანოს Twitter-ის გვერდზე გავრცელდა. ინსაიდერმა აღნიშნა, რომ ლონდონელები მზად არიან 26 წლის ნახევარმცველი 20 000 000 ევროდ გაყიდონ. თუმცა, მხარეები ტრანსფერის პირობებზე ჯერ არ შეთანხმდნენ.

„ვილიარეალმა“ ლო სელსო ზამთრის სატრანსფერო ფანჯრის დროს იჯარით დაიმატა. არგენტინელმა ამ სეზონში ესპანური გუნდის შემადგენლობაში 22 მატჩი ჩაატარა (1 გოლი გაიტანა და 1 საგოლე გადაცემა გააკეთა).