რეალ მადრიდს თავის ვარსკვლავთან კონტრაქტის გახანგრძლივება სურს

ბრაზილიელ ფეხბურთელს ყველა შანსი აქვს, რომ მადრიდში 2028 წლამდე დარჩეს.

ჟურნალისტ ფაბრიციო რომანოს ცნობით, ვინიციუს ჯუნიორი, ჩემპიონთა ლიგის ფინალში „ლივერპულის“ წინააღმდეგ გამარჯვების გოლის ავტორი, „რეალ მადრიდთან“ კონტრაქტის გახანგრძლივებასთან ახლოსაა.

მისი თქმით, 21 წლის ვინგერი მალე მიიღებს შეთავაზებას კლუბთან კონტრაქტის 2028 წლის ზაფხულამდე გახანგრძლივების შესახებ.

ბრაზილიელი „გალაქტიკოსებში“ 2018 წლიდან თამაშობს. 2021/2022 წლების სეზონში მან ყველა ტურნირზე 52 მატჩი ჩაატარა, 22 გოლი გაიტანა და 20 საგოლე გადაცემა გააკეთა.

Transfermarkt.de ჯუნიორს 100,000,000 ევროდ აფასებს.