ალექსის სანჩესით „გალათასარაი“ დაინტერესდა.

„ინტერის“ ცენტრალური თავდამსხმელი ალექსის სანჩესი, 33 წლის, შესაძლოა კარიერა თურქეთის სუპერლიგაში გააგრძელოს. Fotomac-ის ცნობით, მისით „გალათასარაი“ ინტერესდება.

სტამბოლის კლუბმა, რომელიც კატასტროფული სეზონის (მე-13 ადგილი) შემდეგ გუნდის გაძლიერებაზე მუშაობს, გამოცდილი ჩილელი ფეხბურთელის ყურადღება მიიპყრო. ადრე გავრცელდა ინფორმაცია, რომ ალექსისს ამ ზაფხულს „შავ-ლურჯების“ ბანაკის დატოვება სურს.

თუმცა, სანჩესი „გალათასარაიში“ აღმოჩნდება თუ არა, კლუბის ახალ პრეზიდენტზე იქნება დამოკიდებული, რომელიც 1 ივლისს დაინიშნება.

შეგახსენებთ, რომ თავდამსხმელი „ინტერს“ 2018 წელს თავისუფალი აგენტის სტატუსით შეუერთდა. მანამდე ის „კობრელოაში“, „უდინეზეში“, „კოლო-კოლოში“, „რივერ პლეიტში“, „ბარსელონაში“, „არსენალსა“ და „მანჩესტერ იუნაიტედში“ თამაშობდა.