პსჟ მზადაა, ზიდანს წელიწადში 25 მილიონი ევრო გადაუხადოს.

ადრიენ გრენიეს ცნობით, „პსჟ“ კვლავ ზინედინ ზიდანის შეძენას ცდილობს, რომელმაც „ტვიტერზე“ დაწერა, რომ კლუბი „რეალ მადრიდის“ ყოფილ მწვრთნელს წლიურ 25 მილიონ ევროს სთავაზობს.

„პარი სენ-ჟერმენს“ ამჟამად მაურისიო პოჩეტინო წვრთნის, რომლის კონტრაქტიც მომავალ ზაფხულს იწურება. თუმცა, კლუბის ხელმძღვანელობა არგენტინელთან პარტნიორობის შეწყვეტას გეგმავს.

2021/22 წლების სეზონში პარიზელებმა პოჩეტინოს ხელმძღვანელობით მხოლოდ საფრანგეთის ლიგა 1 მოიგეს. ჩემპიონთა ლიგასა და საფრანგეთის თასზე „წითელ-ლურჯებმა“ მერვედფინალურ ეტაპზე შეწყვიტეს ასპარეზობა.

ზიდანი 2021 წლის ზაფხულიდან უმუშევარია. 49 წლის სპეციალისტის ერთადერთი სამწვრთნელო თანამდებობა „რეალ მადრიდში“ იყო, რომელთანაც მან ზედიზედ სამჯერ მოიგო ჩემპიონთა ლიგა.