ასტონ ვილა მალე რომადან ოლსენს შეიძენს

ფაბრიციო რომანოს Twitter-ის გვერდზე გავრცელდა ინფორმაცია, რომ რობინ ოლსენი შესაძლოა უახლოეს მომავალში „ასტონ ვილას“ სრულუფლებიანი ფეხბურთელი გახდეს.

მეკარეს ამჟამად „რომასთან“ კონტრაქტი აკავშირებს. ერთ-ერთმა წყარომ აღნიშნა, რომ ბირმინგემის კლუბი შვედი ფეხბურთელის 3,5 მილიონი ევროს სანაცვლოდ გამოსყიდვის ოფციის გააქტიურებას აპირებს.

ოლსენი ზამთრის სატრანსფერო ფანჯრის დროს იჯარით შეუერთდა „ასტონ ვილას“. მას შემდეგ მან ბირმინგემის კლუბის შემადგენლობაში მხოლოდ ერთი თამაში ჩაატარა და სამი გოლი გაუშვა.

მეკარე, რომელიც „მალმიოს“ ახალგაზრდული სისტემის აღზრდას მიეკუთვნება, რომაულ კლუბს 2018 წელს შეუერთდა. მისი კონტრაქტი „ჯალოროსებთან“ 2022/2023 წლების სეზონის ბოლომდეა გათვლილი.

32 წლის ფეხბურთელის ფასი 2 მილიონი ევროა (რესურს „Transfermarkt“-ის ცნობით).