შვარცი ოფიციალურად ჰერტას მწვრთნელი გახდა

დინამოს ყოფილი მწვრთნელი ჰერტა ბერლინის ახალ მწვრთნელად დაინიშნა. ამის შესახებ გერმანული გუნდის პრესსამსახურმა გაავრცელა ინფორმაცია.

სანდრო შვარცის პრეზენტაცია 20 ივნისს გაიმართება. მისი კონტრაქტი 2024 წლის ზაფხულამდეა გათვლილი. ბერლინური კლუბის წინა მწვრთნელი ფელიქს მაგათი იყო. მისი ხელმძღვანელობით ჰერტამ იმედგაცრუებული სეზონი ჩაატარა და ბუნდესლიგაში მე-16 ადგილი დაიკავა. თუმცა, გუნდმა ბუნდესლიგაში დარჩენა პლეი-ოფში ჰამბურგერ სვ-სთან 2-1 გამარჯვების წყალობით მოახერხა.

შვარცი დინამოს 2020 წლის შემოდგომიდან წვრთნის. გასულ სეზონში, 43 წლის სპეციალისტის ხელმძღვანელობით, მოსკოველებმა რუსეთის პრემიერ ლიგაში ბრინჯაოს მედალი მოიპოვეს. დინამო ასევე რუსეთის თასის ფინალში გავიდა, სადაც სპარტაკთან 2-1 დამარცხდა.