„ლიდსი“ „ზალცბურგის“ მცველის, კრისტენსენის დამატებასთან ახლოსაა.

„ტელეგრაფის“ ცნობით, „ლიდს იუნაიტედი“ „რედ ბულ ზალცბურგიდან“ რასმუს კრისტენსენის დამატებას იმედოვნებს. გარიგება ამჟამად დასრულების პირასაა. „პიკოკსს“ 24 წლის დანიელის სანაცვლოდ დაახლოებით 10 მილიონი ფუნტი სტერლინგი შეუძლია გადაიხადოს.

ინგლისური კლუბის მწვრთნელი ჯესი მარში მცველის ძლიერი თვისებების შესახებ ზალცბურგში თამაშის პერიოდიდან იცნობს. სწორედ ამიტომ სურს ლიდსის მწვრთნელს მისი თავის გუნდში მოწვევა.

კრისტენსენი „რედ ბულ ზალცბურგში“ 2019 წლის ზაფხულიდან თამაშობს. გასულ სეზონში მან ავსტრიული გუნდის შემადგენლობაში 44 თამაში ჩაატარა (10 გოლი, 8 საგოლე გადაცემა).

ფულბექის კონტრაქტი „რედ ბულსთან“ 2025 წლის ივნისის ბოლომდეა გათვლილი. კრისტენსენის ღირებულება 13,5 მილიონი ევროა.