„დეილი მეილი“ იუწყება, რომ „ტოტენჰემმა“ პაულო დიბალას ტრანსფერის იდეაზე უარი თქვა.

„დეილი მეილი“ იუწყება, რომ „ტოტენჰემმა“ პაულო დიბალას ტრანსფერის იდეაზე უარი თქვა. ლონდონელებმა თავდამსხმელის ფინანსური მოთხოვნები გადაჭარბებულად მიიჩნიეს. 28 წლის არგენტინელი „ტოტენჰემს“ კვირაში 0,33 მილიონი ევროს ანაზღაურებას სთხოვდა.

მედიაში ადრე გავრცელდა ინფორმაცია, რომ დიბალათი მილანის „ინტერი“ იყო დაინტერესებული. მილანურმა კლუბმა ფეხბურთელთან ოთხწლიანი კონტრაქტი გააფორმა, რომლის წლიური ხელფასი 6 მილიონი ევრო იქნება.

დიბალამ გასული სეზონი „იუვენტუსში“ გაატარა, სადაც 2015 წლიდან თამაშობს. არგენტინელმა 39 თამაში ჩაატარა (15 გოლი, 6 საგოლე გადაცემა).

დიბალას კონტრაქტი „ბიანკონერისთან“ ივნისის ბოლომდეა ძალაში, რის შემდეგაც ის თავისუფალი აგენტი გახდება. Transfermarkt.de არგენტინელს 40 000 000 ევროდ აფასებს.