გატუზომ ოფიციალურად ჩაიბარა ვალენსიის სათავეში

„ვალენსიას“ ვებსაიტმა ჯენარო გატუზოს ტრანსფერის შესახებ ინფორმაცია გაავრცელა. იტალიელმა კლუბთან კონტრაქტი 2024 წლის ივნისამდე გააფორმა.

გასულ ზაფხულს სპეციალისტმა ფიორენტინა ჩაიბარა, თუმცა გუნდში მხოლოდ ორი კვირა დარჩა. „იისფერების“ სატრანსფერო პოლიტიკით უკმაყოფილო გატუზომ კლუბი დატოვა. მას შემდეგ 44 წლის მწვრთნელი უმუშევარია.

ვალენსიას ადრე ხოსე ბორდალასი წვრთნიდა, რომელმაც ესპანური გუნდი გასულ ზაფხულს ჩაიბარა. ესპანელის ხელმძღვანელობით „ნარინჯისფერმა“ ცუდად იასპარეზა. 2021/2022 წლების სეზონის ბოლოს ვალენსიამ ლა ლიგაში 48 ქულით მე-9 ადგილი დაიკავა, რის გამოც მომდევნო სეზონში ევროტურნირებზე ვერ ითამაშებს. 3 ივნისს ბორდალასი თანამდებობიდან გაათავისუფლეს.