ნკუნკუ ლაიფციგთან ახალ კონტრაქტს გააფორმებს

კრისტოფერ ნკუნკუ „ლაიფციგში“ დარჩება. LVZ-ის ცნობით, ფრანგი გერმანულ კლუბთან კონტრაქტის გახანგრძლივებას განიხილავს.

თუ ნკუნკუ „ლაიფციგთან“ კონტრაქტს გააგრძელებს, მის კონტრაქტში 58,5 მილიონი ევროს ოდენობის გამოსასყიდი პუნქტი იქნება გათვალისწინებული. პუნქტი მომდევნო საფეხბურთო სეზონიდან ამოქმედდება.

ნკუნკუ „ბულზის“ რიგებში 2019 წლის ივლისიდან თამაშობს. თავდამსხმელმა გასულ სეზონში ძლიერი სეზონი ჩაატარა, რის შედეგადაც ბუნდესლიგის წლის საუკეთესო მოთამაშის ჯილდო მოიპოვა. 50 მატჩში მან 35 გოლი გაიტანა და 19 საგოლე გადაცემა გააკეთა.

ნკუნკუს გერმანულ კლუბთან მოქმედი კონტრაქტი 2024 წლის ივნისში იწურება. Transfermarkt.de 24 წლის ფრანგს 80 000 000 ევროდ აფასებს.

მანამდე ვრცელდებოდა ინფორმაცია, რომ ნკუნკუთი „ლივერპული“, „მანჩესტერ იუნაიტედი“, „მილანი“ და „ჩელსი“ იყვნენ დაინტერესებულნი.