„რბ ლაიფციგმა“ „ჩელსის“ თავდამსხმელი მარკ გიუ დაიმატა.

ლონდონის „ჩელსიმ“ თავდამსხმელი მარკ გიუს გერმანულ „ლაიფციგში“ ტრანსფერის შესახებ განაცხადა.

20 წლის ესპანელი ინგლისურ კლუბში ბარსელონადან 2024 წლის ზაფხულში გადავიდა. ამ პერიოდში თავდამსხმელმა „ჩელსის“ რიგებში 29 მატჩი ჩაატარა და რვა გოლი გაიტანა.

ლონდონურ გუნდთან ერთად გიუმ უეფას კონფერენციის ლიგა მოიგო და ექვს მატჩში ექვსი გოლი გაიტანა. თავდამსხმელი ასევე იმ გუნდის წევრი იყო, რომელმაც გასულ წელს კლუბების მსოფლიო თასი მოიგო.

„ჩელსის ყველა თანამშრომელი მადლობას უხდის მარკს კლუბში გაწეული სამუშაოსთვის და უსურვებს მას წარმატებებს მისი კარიერის შემდეგ ეტაპზე „ლაიფციგში“, - ნათქვამია ინგლისური კლუბის პრესსამსახურის განცხადებაში.

გიუმ გასული სეზონი „სანდერლენდში“ გაატარა , სადაც იჯარით გადავიდა.