„სევილიამ“ იგლესიასის გოლის წყალობით „ვალენსიას“ გამარჯვება წაართვა

ესპანეთის ჩემპიონატის მეხუთე ტურში „სევილიამ“ „ვალენსიასთან“ მინიმალური ანგარიშით გამარჯვება მოიპოვა. მატჩი „რამონ სანჩეს პისხუანის“ სტადიონზე გაიმართა და მასპინძელთა სასარგებლოდ 1-0 დასრულდა.

გუნდებს დიდი ხნის განმავლობაში უჭირდათ ანგარიშის გახსნა. კულმინაცია მხოლოდ 81-ე წუთზე დადგა, როდესაც „სევილიას“ მცველმა ხუან იგლესიასმა მატჩის ერთადერთი გოლი გაიტანა.

მატჩს პალმა დე მალიორკადან მატეო ბუსკეტს ფერერი განსჯიდა. ფინალური სასტვენის შემდეგ „სევილიამ“ კიდევ სამი ქულა მოიპოვა და ხუთი მატჩის შემდეგ მოპოვებული ქულების ჯამური რაოდენობა 10-მდე გაზარდა. ამან გუნდს ლა ლიგის ცხრილში მესამე ადგილის დაკავების საშუალება მისცა.

ვალენსიას მდგომარეობა გაცილებით რთული რჩება. ჩატარებულ ხუთ მატჩში გუნდმა მხოლოდ ერთი ქულა დააგროვა და ესპანეთის ჩემპიონატის ცხრილის ბოლოში, მე-20 ადგილზეა.

„ვალენსია“ შემდეგ თამაშს 15 სექტემბერს, სტუმრად „ალავესთან“ გამართავს. „სევილია“ მოედანზე 16 სექტემბერს გავა და „დეპორტივოს“ დაუპირისპირდება.