„ჩელსი“ „უტრეხტის“ უკრაინელ თავდამსხმელს, არტემ სტეპანოვს აკვირდება.

ლონდონის „ჩელსი“ იმ ინგლისურ კლუბებს შორისაა, რომლებიც უკრაინელი თავდამსხმელის , არტემ სტეპანოვის განვითარებას აკვირდებიან . 19 წლის თავდამსხმელი ამჟამად ნიდერლანდების „უტრეხტში“ იჯარით თამაშობს.

ჟურნალისტისა და ინსაიდერის, ეკრემ კონურის თქმით , ინგლისის პრემიერ ლიგის რამდენიმე კლუბის წარმომადგენლები ყურადღებით სწავლობენ უკრაინელი ფეხბურთელის თამაშს. სკაუტების მთავარი აქცენტი მის ამ სეზონში გამოსვლაზეა.

„ჩელსის გარდა, სხვა ინგლისური კლუბებიც აკვირდებიან არტემ სტეპანოვის პროგრესს. ისინი განსაკუთრებულ ყურადღებას აქცევენ მის თამაშს უტრეხტში იჯარით გასვლის შემდეგ.“

ამავდროულად, უკრაინელი ფეხბურთელის მომავალთან დაკავშირებით საბოლოო გადაწყვეტილება „ბაიერს“ რჩება. ამ ეტაპზე ეს მხოლოდ სკაუტების ინტერესის საკითხია და არა კონკრეტული ტრანსფერული შეთავაზებების“, - განაცხადა კონურმა.

სტეპანოვის უფლებები „ბაიერ ლევერკუზენს“ ეკუთვნის , რომელმაც თავდამსხმელი ნიდერლანდებში სათამაშოდ გაგზავნა. ამ სეზონში უკრაინელმა უკვე ექვსი მატჩი ჩაატარა „უტრეხტის“ შემადგენლობაში და ხუთი გოლი გაიტანა.

19 წლის თავდამსხმელის სტატისტიკამ ინგლისური კლუბების ყურადღება მიიპყრო, თუმცა ამჟამად ფეხბურთელისთვის კონკრეტული შეთავაზებები არ არსებობს. შემდგომი განვითარება დიდწილად დამოკიდებული იქნება „ბაიერის“ გადაწყვეტილებაზე სტეპანოვის მომავალთან დაკავშირებით.